Mga Palabas na 'Di Kagiliw-giliw Reviews: Movies and Series - TV/Web series: Class 3-C has a Secret Country of Origin: Philippines Season: 1 Year: 2016 Genre: Horror, Thriller, Drama, School OTT/VOD Platform: CignalPlay (Sari-Sari) Suitable audiences: (13/16/18+) "SPG?" Starring: Yassi Pressman, Josh Padilla, Bret Jackson, Anja Aguilar, Pio Balbuena, Rose Van Ginkel, Carlyn Ocampo, Jericka Martel Synopsis: Laketon Academy is a private school for exceptional teenagers - the hopeless ones whose families, friends, and former schools have given up on them. RATING: 3/10 I-di-diretso ko na agad ito sa mga bagay na talaga namang hindi ko nagustuhan. Una, yung kuwento. Sobrang ma-bo-bore ka habang pinapanood mo. Daming fillers na hindi naman talaga mahalaga! Also, it lacks major details para masuportahan yung ilan sa mga "side-stories" at background ng ilan sa mga karakter. Parang gusto mo nalang i-skip sa mga parts na mahahalaga or may konting thrill. Tsaka anong nangyari dun sa isa pang karakter na huling natira at may time pa talagang mag-swimming kahit may mga minu-murder na sa paligid? Ano 'yun? Bakit parang hindi man lang dinetalye kung nasaan na o kung pinatay ba siya? Nakalimutan na ba siya? Hala, balikan niyo naman baka mamaya umuwi sa kanila kakahintay niyang bumalik on-cam yung role niya. Pangalawa, yung Cinematograhy/Photography at Editing. Yung mga shots hindi consistent ang kuha, may hazy at mayroon namang over-exposed ang mga shots. Halos kainin na ng liwanag at pupunta na ng langit (tutal patayan naman 'to parang d'un na rin ang punta). Hindi pa graded or even corrected ang color para man lang ma-fix yung ilang issues sa Color Accuracy or umakma man lang sa Theme ng palabas. Yung mga visuals/graphics, parang wala lang. Basta maka-edit nalang ng may dugong tumutulo at lagyan ng pagka-creepy yung font, okay na sa kanila. Pangatlo, yung acting. Naku, nakakadismaya considering na for Pay-TV broadcast/release ito dapat decent ang acting pero hindi. Tatatlo lang ata ang matino dito um-acting at minsan sablay pa. 'Yung iba parang saling-ketket na lang. Ito yung example ng mga cast na isinalaksak nalang yung karakter nila kahit walang ganap. Tapos, andami pang mga extra na basta may exposure at tutunganga lang, okay na. Ang lalamya umakting ng mga casts, hindi convincing, sorry to say. May nabagok yung ulo, pero parang nahilo lang tsaka bumagsak sa lupa. Wala talagang ulong nabagok in the first place, pero nabagok daw. Then may nagpakamatay mula sa mataas na lugar, pero parang tumalon lang para mag-dive, tapos hindi kumalat ang dugo sa papag kahit 'sobrang taas' ng kinabagsakan. Pagkatapos namang bumagsak sa damuhan, nakatalikod na ito at wala na agad malay? Ano 'yun? Pang-apat, yung props at prosthetics. Susme, ma(t)a(t)awa ka sa mga prosthetics na ginamit kesa sa mga karakter na ginawan ng karumal-dumal na mga bagay. 'Yung mga dugo, kasing pula ng tomato sauce sa menudo ng karinderya sa amin! Dapat ang dugo, medyo dark, thick, at may pagka-brown over red. Pero dito, yung dugo para ka lang nagtimpla ng red juice tapos isusuka nalang kapag sinaksak kunwari ng kutsilyo nilang wala man lang kinang at napaikli. Grabe, sa sobrang ikli babaon talaga 'yun hanggang internal organs ko. Then yung ulo na pinutol, hindi naman kamukha nung mga pinagputulan o pinanggalingan na katawan. So ang ending, ako nalang din ang nag-visualize sa mga pinutol na ulo at halatang pinugot na mannequin lang (hindi pinag-effort-an). 'Yung Production or set designs, medyo okay lang bumabagay naman sa theme ng palabas at location nila. Pero yung mga tools talaga na ginamit sa torture, tumutunog nga pero hindi naman gumagana nung ginamit na. Ano yun? Tapos ang hilig pa sa suka (vomit), kapag nagsawa sa dugo, yung suka (vomit) naman ang pagtitripan para mandiri ka which is 'yun lang talaga ang pinandirian ko ng sobra at ang nakakainis pa ay ang hilig nila r'un (napaka-favorite). Conclusion, siyempre, hindi ako natuwa at nakaka-disappoint talaga. Kahit may second season pa ito, hindi ko papanuorin. Ayoko ng back-to-back na disappointment. Mas mabuti pang hanggang Book/Novel na lang ito kaysa maging series dahil hindi nabigyan ng justice ang pag-adapt at non-sense ang pagkaka-produce nila rito.